夜市來讀冊 ｜臺灣ê店到讀派 吳成三的臺灣心

Rti 中央廣播電臺 Rti 中央廣播電臺

曾偉旻與吳成三

來賓:吳成三
 

今年年初，阿旻欲去美國進前，去台灣ê店買冊，嘛欲來拜訪採訪結緣的老朋友吳成三。彼時頭家才咧講，經營欲倚30冬的「台灣ê店」，年初因為厝頭家天價賣厝、起租金，就愛「億來億去」，意思是愛in緊搬。

阿三兄煩惱講，假使這款臺灣主題的冊店收起來，緊揣地點。阿旻嘛緊佇面冊迷眾頁鬥宣傳消息，予閣較濟人關心。過程中，阿三兄拄著仝款有臺灣意識的「倒斡有冊」(左轉有書)經營者，聯手決定欲佇五月中正式成立新品牌「讀派」。

吳成三回顧伊佇美國哥倫比亞大學留學的時陣，看著《被出賣的台灣》這本冊，開始思考臺灣的社會佮民主。轉來臺灣以後，看著一位噶瑪蘭族的朋友，真捷佇示威運動擺擔仔賣禁書。吳成三鼓勵伊規氣開冊店，朋友煞唱伊講，恁遮的讀冊人，攏欲按呢害人，家己若會無愛家己開。伊和牽手決定開一間臺灣本土文化冊店。

雖罔經營倚30冬拄著這款代誌，但是有新形態的合作模式，嘛通算是好的開始。台灣ê店目前會固定選冊送到「讀派」，用辦主題展覽的方式來合作。延續往過臺灣主體，仝款提供臺語文學、客家文學、原住民文學、傳統歌仔戲、布袋戲圖樣的冊，欲予咱臺灣較弱勢的文化得著保存的延續性。《臺灣夜市Taiwan Yes！》邀請逐家做伙來聽吳成三的故事。