夜市來讀冊l 台語心花開 踅透台文的百貨公司

Rti 中央廣播電臺 Rti 中央廣播電臺

鄭順聰老師對台灣各地頭的南腔北調頗有研究。

來賓:鄭順聰(臺文作家)

 

《台灣夜市Taiwan Yes!》邀請注心推捒台文的作家鄭順聰老師，來和咱踅夜市。伊毋但和咱做伙踅夜市，嘛𤆬咱進入台語的百貨公司。佇伊上新一本台語學習冊《台語心花開》，咱通看著伊深入生活上的冷知識，閣有現代化的台語按怎講，按怎使用，予台語活過來。

透過簡單好讀的文字，自食食、穿插（tshīng-tshah）、徛家、交通、娛樂無仝方面，寫入上蓋笑詼，消敨咱心內壓力。論真講起來，順聰老師嘛講「練痟話」、「答喙鼓」內，更加學會著台語。另外，若毋知欲按怎翻做台語，咱嘛通家己自創新台語詞。順聰老師閣用江蕙《愛我三分鐘》歌詞「東門町、西門町，彼款現代女性」，講台語這陣行入現代化的工程，愛有現代新的語言風貌。

總講一句，順聰老師自咱台灣各地頭的南腔北調，攏有研究。綴順聰老師環島聽口音，見證咱台灣多元的腔口學，就佇這集的《台灣夜市Taiwan Yes!》。