Rti 中央廣播電臺 
Rti 中央廣播電臺 
吳建忠老師
來賓:吳建忠（台北海洋科技大學通識教育中心教授）
《臺灣夜市Taiwan Yes！》這集邀請台北海洋科技大學通識教育中心教授吳建忠。臺南鹽水人，因為爸爸警察工課的關係佇雲林他里霧（斗南）大漢，現此時蹛佇咧加蚋仔（南萬華），用這寡地號名來紹介自身的出身佮身分，嘛通看見建忠教授對在地的文化，有真大的地域認同。
吳建忠分享爸爸工課是正義的化身。警察家庭出身，厝裡的人愛伊好好仔讀冊後，通行入軍公教、鐵飯碗罔捧。不而過，佇伊開始讀大學政治系了後，開始對往過所學，有一寡新的認捌。感覺過去所學的，根本就是被建構的片段的學習，伊開始透過自身的走揣，粒積學術智識。
咱通看著吳建忠教授，定定被邀請參加論壇節目，伊對國際灣係、中國問題，攏有濟濟精彩意見。原因來自過去深入中國所見所觀察的研究，嘛有對國際趨勢有真深的了解。臺灣的機會佇海洋，臺灣成做海洋國家的機會是啥？吳建忠教授有閣較濟精彩內容分析，請收聽這集《臺灣夜市Taiwan Yes！》。
