夜市放送頭｜林彥如：布袋戲求「變」 望未來扮演重要角色

Rti 中央廣播電臺 Rti 中央廣播電臺

林彥如：布袋戲求「變」 望未來扮演重要角色

來賓:臺灣戲曲學院學生.真雲林閣掌中劇團團員　林彥如

林彥如自三歲，看過黃海岱大師的布袋戲展覽，就真迷布袋戲。開始揣一寡布袋戲團學師，嘛學刻尪仔、畫佈景等等。高中出業，伊無先讀大學，選擇加入上愛的布袋戲產業，自雲林的斗六市，來到較偏遠的水林鄉真雲林閣掌中劇團來向團長學師。

兩冬外來，伊學著真濟實際弄尪仔的功夫，講口白的藝術，每一工攏和布袋戲尪仔蹛鬥陣。就算，其中有經歷過四個月做兵，便若放假，依猶是先走轉去劇團來和伊上愛的戲尪仔交陪。這陣嘛參加過大大細細的表演。

今年21歲，林彥如有一个新身份，就是臺灣戲曲學院學生的大學一年仔學生。比同學有閣較濟現場演出、劇場經驗。伊發心欲發揮家己上大的能量，將未來學著的物件，應用佇咧布袋戲「變」的趨勢，維持傳統和現代創新，欲予布袋戲有一種新風貌。請做伙來收聽《臺灣夜市，Taiwan Yes!》，林彥如精彩的訪問，閣有精彩的布袋戲口白。