母語嘅經驗影響我地聽嘢、學嘢同埋諗嘢？！

Rti 中央廣播電臺 Rti 中央廣播電臺

世界母語日，央廣製作的多語圖卡

廣東話難唔難學？如果係母語，根本就冇好唔好學嘅問題。對BB仔嚟講，從細同佢講咩話，佢就講咩話，咩話都學得識。

如果唔係母語，咁就要睇您嘅母語，同廣東話似唔似啦。簡單嚟講，如果您嘅母語係廣東話，要學客家話、台語、或者國語，因為呢啲都係華人嘅語言，語法結構相似，又都係方塊字，至少感覺上面都比較熟悉，學起嚟就比較容易。

講呢啲，主要係話俾大家知，母語唔止係一種溝通嘅語言，係其他方面亦都影響緊我地。譬如講：聽外鄉人講自己嘅母語，小小差別、小小唔準都聽得好清楚；而自己講人地嘅母語，人地就係話唔準，自己又點都聽唔出？

呢個係因為我地受母語經驗嘅影響，我地對母語嘅聲音會比較容易區別，對外語聲音嘅差別就比較唔靈敏。換句說話講，我地對外語嘅語音敏感度，都係受到自己母語經驗嘅影響。

仲有，唔同嘅語言甚至會影響我地對事情有唔同嘅觀感。呢個又係另一個值得慢慢討論嘅話題，有機會再講了。