Rti 中央廣播電臺 
Rti 中央廣播電臺 
Facebook上「大家一起來學廣東話」社團，雲集左六千多人嘅社團，大家交流分享，的確學到好多
香港大概有9成嘅人母語係粵語，9成5嘅人以粵語作為日常交流嘅語言。換句說話講，喺香港到處都係粵語嘅環境當中，仲要推廣粵語？或者更精準嘅講法，係令粵語母語者覺醒到，粵語嘅重要！
其實真係幾得意，香港喺上個世紀90年代開始，已經有好多大師級學者帶頭，提出對粵語嘅關注，從正音、正字、教講教寫，教材教法，再加上傳媒嘅配合，呢個推廣都做左三十幾年了。不過，嗰陣時嘅重視，好似唔算普及到一般市民。
直到近呢十幾年嚟，的確睇到一股，從上而下，自動自發，想為粵語做一啲事情嘅一股力量，有覺得好感動，但又覺得好似仲係唔夠。
而家喺香港，聽講最搶手嘅幼稚園，係用英文或者普通話嚟教學嘅學校，而唔係幾乎全香港人講嘅第一語言廣東話。仲有，有啲「有能力」嘅父母，鐘意請賓妹湊細路，喺屋企同細路用英文對答。細路喺香港大，講粵語仲有口音嘅！
本嚟用咩話講咩話，係自己嘅選擇自己嘅自由，呢個係好主觀嘅選擇，人地有咩好講。
而一種語言，自己冇心學，人地點推都係冇用。咁就有心人只有繼續做繼續做，相信--繼續做落去，覺得粵語重要嘅人一定會愈嚟愈多。
