Rti 中央廣播電臺 
Rti 中央廣播電臺 
香港街景 (圖：中央社)
口音到底係咩呢？
當離開左自己成長嘅地方，無論去到邊度？講咩語言？一開口都係俾人問：「你邊度人？」、「你有個口音？」係呀！又唔係講自己母語，點會冇口音？
咁當講到自己嘅母語，一班粵語人喺他鄉講自己講慣嘅粵語，仲係會俾人問：「你邊度人？」、「你有個口音？」
口音到底點解釋？以前會覺得，咁樣俾人問法，肯定係自己講得同人唔同，唔同先至覺得有口音。但係，邊個冇口音，你香港口音、廣州口音、馬來西亞口音...都係口音呀！
咁至於自己係點樣嘅口音，點樣分西關口音、東山口音、西村口音、番禺口音等...咩咩咩嘅呢啲口音嘅區別，留返以後再講。
總之，你喺邊度大？你父母邊度人？學校老師邊度人？街坊鄰里同學又邊度人？自己對語言發音又係點樣嘅態度？咁樣，就係你嘅口音囉！
所以，口音，應該係個人嘅發音特色，代表左一個人嘅成長紀錄。
