三碗半牛腩飯394052 背熟口訣學粵語六聲

Rti 中央廣播電臺 Rti 中央廣播電臺

香港街景。(翻攝自Pexels.com)

粵語嘅聲調，先生教落，只要背熟「三碗半牛腩飯」，或者「394052」，九聲就係「394052786」，背熟呢個旋律，一個個音套入去，搞掂。但係，好多人背左呢幾句，都係搞唔掂粵語聲調，到底點樣分呀？

如果真係要講秘訣，首先，發音要發得清楚，仲要好誇張咁將細微嘅差異放大，差異出嚟，先至會對得上音。

都係覺得難？係呀！有啲音聽落好似，都真係幾唔容易分。譬如講：寫se2信嘅寫，係從中間到最高；社se5會嘅社，係從最低到中間。兩個發音都係慢慢斜上去，一個起步點高啲，一個起步點低啲，分唔分得出呢？

如果係粵語人，講粵語明明識講，套返入呢個旋律，居然搵唔返幾聲？唔奇?！冇學過少練習呀！而且當中亦都有可能係：一、本身細個學粵語嗰陣，就冇將聲調分得好清楚，將一啲聲調當作係一樣嘅發音。二、唔熟嘅字，音唔熟，聲調就容易搞錯。

總之，粵語人又好，非粵語人又好，聲調要分得清楚，都係要音分得清。再嚟就係落功夫，一直重複將唔同嘅音套入「三碗半牛腩飯」，呢個旋律，慢慢就會愈嚟愈清楚。