Rti 中央廣播電臺 
Rti 中央廣播電臺 
取自「香港。字典」facebook
取自「香港。字典」facebook
取自「香港。字典」facebook
取自「香港。字典」facebook
取自「香港。字典」facebook
以前講三年一代溝，而家如果冇上網，冇上討論區冇玩社群冇睇片，會唔會一年就已經係一條溝呢？
淨係講嗰啲潮語，潮語啫所謂潮流用語，每年都有新潮語，咩WFHF、siu4、粥、鏡粉、壞過凱婷、栗米六粒飯、見字飲水、世一、行山銀行、OP......有啲同時事有關，有啲係諧音、有啲係縮寫、有啲仲有典故添。跟唔上潮流嘅話，可能真係有啲聽唔明，或者以為自己聽明，其實未必完全係同一個意思。
舉例嚟講吓，譬如「粥」，此「粥」非彼粥，「what a 粥」「you are a 粥」其實呢個「粥」係joke嘅意思。仲有幾年前潮過嘅「壞過凱婷」，「凱婷」咁好嘅一個名，居然變成壞嘅門檻。原因係「壞過凱婷」出自於一篇網文，當中嘅內容主要係講，一個中學女學生鬧另一個女學生唔係壞學生，仲笑佢連續食兩支煙都做唔到。所以，就用「壞過凱婷」來話人地好壞，或者諷刺人地扮壞。
仲有「知我咩料啦！」呢句知，講左好多年。最近紅返潮返都係因為佢係香港ViuTV藝人193嘅口頭禪，再加上之前嘅神劇「大叔的愛」嘅加持，「咩料」大家知啦！
以前學成語學詞語嘅時候，咩「三顧茅廬」、「刻舟求劍」...，都話知道典故出處比較好記。以後學潮語，大概都係一樣嘅意思囉！
