Rti 中央廣播電臺 
Rti 中央廣播電臺 
圖片取自「維基百科」
圖片取自「維基百科」
圖片取自「維基百科」
圖片取自「維基百科」
喺台灣住得越嚟越耐，有陣時喺心裡面會自己咁樣玩。就係開口同唔識嘅人講嘢，講幾句先俾人問：「你不是台灣人啊？」「那裡來的？」......，如果講到人地聽唔出自己係外地人，都會有小小開心！哈哈哈！（可惜國語仲未講到咁嘅境界！）
其實呀！非本地人，或者非母語者要講到同母語者一模一樣，聽唔出口音真係唔容易。雖然唔容易，仲係有方法，而且係可以做到嘅！想改口音嘅人，以漢語系語言嚟講，想學咩口音，呢啲方法都可以參考啊！
首先，口型要做足，捲舌音有冇捲舌，有冇鼻音......，要冇口音，口型絕對要做足。
再嚟，以粵語、國語、閩南語或者客家話呢啲漢語系嚟講，聲調係容易學但又好容易亂嘅部分。明明已經背熟聲調，點解自己嘅調硬係同人唔同？呢個時候可以學多樣嘢叫「調值」，啫聲調嘅高低、升降、曲直、長短嘅形式。調值最高標示為5，最低標示為1。國語一聲，調值是55，由頭到尾都最高，第三聲變成214，一開頭低再低再高返上去。知道咗調值之後，再跟住調整自己聲調嘅變化。
再落嚟，從一二三四五六七八九十呢十個音，比較出自己啲音，同你想模仿嘅口音之間嘅差別，再按住同樣嘅規律嚟慢慢練。
想變口音，簡單講係呢3個技巧，不過真係要有環境，有人對話，仲有--模仿嘅對象能夠經常接觸得到，仲要經過長時間嘅練習，先至可能好自然咁表達出嚟。
口音係可以練，可以變。不過，尊重多元口音，彼此尊重，亦都係溝通上，非常需要時時自我提醒嘅相處技巧。
