夜市放送頭│朱子宏：泉腔新世代，臺語友善門診起步行

Rti 中央廣播電臺 Rti 中央廣播電臺

朱子宏醫師

受訪者：朱子宏醫師

《臺灣夜市 Taiwan Yes! 》今仔日欲來紹介朱子宏醫師。10外冬前，朱醫師記錄醫學院教授「醫用臺語」的課程內容，主編「醫用臺語教學教科書」，希望予閣較濟醫師，通用臺語和病人接接。

10外冬後，伊繼續推捒臺語。實際行入醫界，佇咧2021年嘛閣大力推廣臺語友善門診，希望來看診的囡仔兄、囡仔姊佮家長，通佇細漢看診的方式，接觸本土語言。

朱子宏自細漢佇厝內的語言環境，爸爸講華語，媽媽雖然是金門人，但嘛無和伊講本土語言。食到20幾歲猶袂曉講臺語，袂曉聽。大學五年仔了後，才正式學臺語。

進一步走揣媽媽的腔口，阿媽的腔口，甚至到東南亞走揣親情，走揣伊語言的根。經過10幾冬的拍拚，這陣伊是泉腔新世代的代表，保存咱臺語無仝腔口之美。