Rti 中央廣播電臺 
Rti 中央廣播電臺 
新生代配音天王郭霖
來賓：配音員／郭霖
《臺灣夜市 Taiwan Yes! 》今仔日邀請配音界的天王郭霖來到節目頂，分享伊的「橫棍仔人生」（///斜槓人生///）。
通熟識郭霖，是一个真奇妙的機緣。阿旻年初成立臺語教學平台《Tutor講臺語》，郭霖就是頭个學生。
郭霖做配音工課已經10冬外，過去攏是華語配音的穡頭濟，這陣時勢無仝。換做是臺語配音的工課愈濟，郭霖想欲進一步學臺語，拄好透過線頂平台，進一步了解伊的人生。
伊的人生角色真多元，毋但是真出名的配音員、嘛是聲音導演、這陣閤寫詩，成做正港的詩人，甚至閤會曉唱歌，發行個人NFT單曲，精彩人生《臺灣夜市 Taiwan Yes! 》邀請你做伙來聽郭霖的故事。
