夜市放送頭｜鄭安住 臺語認證懸分鋩角報你知

Rti 中央廣播電臺 Rti 中央廣播電臺

主持人曾偉旻與鄭安住老師

來賓：鄭安住

臺語教育除了國小納入必修課程，這陣按算佇今年九月嘛欲正式進入國中佮高中的課程之內。超過百外外的臺語師資員額猶是真欠缺。逐家攏想欲佇學校教臺語，第一步就是通過中高級的臺語語言認證。按怎通過認證、聽講讀寫提懸分的鋩角，《台灣夜市Taiwan Yes!》邀請鄭安住老師，來報予你知。

另外，講著國中、高中通落實臺語課，其實是濟濟臺語前輩積極推動，鄭安住老師嘛是真重要的推動者。除了是教育部本國語文教育諮詢會委員，安住老師嘛自生活每一个層次推廣臺語，甚至成立臺語群組，逐日佇社群媒體為學生囡仔解答。

自本土語言課程規劃、教材審查、語文比賽籌備規劃，閣有相關認證考試，鄭安住老師攏嘛用心付出。五冬前，教育部肯定伊對本土語言的傑出貢獻，特別頒獎予伊。得獎了後，伊的跤步毋捌停，繼續綿爛為臺語箍仔拍拚。來聽《夜市放送頭》臺語世界通鄭安住老師精彩的分享。