Rti 中央廣播電臺 
Rti 中央廣播電臺 
林煜為、Bonnie(謝晏婷)
來賓:林煜為、Bonnie(謝晏婷)
《臺灣夜市Taiwan Yes!》邀請導演林煜為和伊的牽手謝晏婷做伙來上節目。
林煜為一口灶捌全家移民美國7冬，厝裡三个後生查某囝甚至行入美國演藝界。兩翁仔某用心計較栽培囡仔，不而過林煜為家己煞因為文化衝擊，一開始語言嘛無啥通，心內煞有濟濟的不安。甚至佇厝裡，感覺家己親像「別人」身分的款。
2020年因為全球疫情，規口灶閣選擇搬轉來臺灣，林煜為的後生查某囝，林家第四代人轉來到臺灣。第四代人煞嘛產生美國、臺灣兩地的認同，內心一直咧搝大索。
林煜為這回推出攝影相片集，作品內底探討家庭離散經驗不安的角度，嘛將這款離散的不安轉化成作品的延伸。
