Rti 中央廣播電臺 
Rti 中央廣播電臺 
棒球教練黃國洲
來賓:黃國洲(棒球教練)
《臺灣夜市Taiwan Yes!》邀請你來聽阮用臺語講棒球。《夜市放送頭》單元邀請我的臺語播球前輩黃國洲老師，做伙來講臺灣棒球歷史和文化，黃國洲老師毋但播球，閣親身𤆬球隊，經驗豐富。
黃國洲老師這陣固定和阿旻，逐禮拜下晡三點佇公視臺語台，做伙用臺語轉播學生棒球運動。伊講：「用臺語報棒球才會順，才會鬥搭」。阮笑講阮是「臺灣棒球界的四聲道，臺語為主，英語、日語、閣有一屑仔華語，欲予逐家全新感受」。
黃國洲老師嘛有一个新向望：起造臺語棒球的現代化工程，未來會整理一寡棒球的用語，予臺語轉播棒球變作有系統專業，嘛通傳承的一項工課。
「咱攏講棒球野球是臺灣的國球，不而過你敢真正知影，紅葉少棒是一段被創造出來的歷史。」論真講起來，黃國洲老師分析野球自日本時代傳入來臺灣，1910年代後，已經佇臺灣生湠，各地頭、每一角勢攏有家己的棒球隊，不而過彼段歷史被國民政府所消滅。
往過棒球的行話，攏是日語濫摻臺語，閣有啥物棒球代誌，拍破你往過的印象、思考，攏通透過這集節目重新理解。
