Rti 中央廣播電臺 
Rti 中央廣播電臺 
臺灣貝比魯斯聯盟黃祿軒理事長
來賓:臺灣貝比魯斯聯盟／黃祿軒理事長
野球是啥？「野球就是，猶有機會的彼一球」。《臺灣夜市Taiwan Yes!》邀請《臺灣貝比魯斯聯盟》理事長黃祿軒來節目，阿旻真正受著感動。黃理事長分享為啥物投入囡仔的棒球運動？這陣閣有夢欲𤆬囡仔去美國參加比賽，予第二名的囡仔，嘛有球通予摃，嘛有徛去世界舞臺的機會。
因為２个後生佇國小的時參加棒球隊，看著囡仔的成長受著感動，黃祿軒嘛變做後援會會長。一改花蓮移地訓練，熟似富源國小張茂三教練，兩人想欲予臺灣偏鄉、資源弱勢的囡仔，通透過家己所愛的棒球，進一步去觀察世界的機會。 尾手就佇2020年成立《臺灣貝比魯斯聯盟》，資源無濟，不而過為著囡仔，in猶是繼續拚。
這回透過群眾募資來籌備經費，是為著欲突破原本全國少棒的出國規格。毋但到美國當地比賽，另外，聯盟安排寄宿家庭、文化交流、移地訓練、MLB 大聯盟比賽觀摩、友誼賽等行程，予囡仔出國毋干焦是比賽，顛倒是有另外一層的生活體驗。
緊來收聽《臺灣夜市Taiwan Yes!》《臺灣貝比魯斯聯盟》理事長黃祿軒訪問。嘛請逐家有錢出錢，有力出力。
