夜市放送頭｜藍寶石大歌廳 豬哥亮等大明星的秀場傳奇

Rti 中央廣播電臺 Rti 中央廣播電臺

真愛秀．藍寶石大歌廳活動。

「南豬哥亮、中邢峰、北張菲」，秀場文化自有山頭。講著南霸天豬哥亮，就愛講著《藍寶石大歌廳》，藍寶石通講是高雄七Ｏ-八Ｏ年代，真重要的娛樂符碼。

講著彼个時代背景，藍寶石歌廳通常票是被搶了了，觀眾佮秀場櫼甲滇滇滇，頭家紲尾直接無愛賣票，佇門口提布袋收錢。明星藝人逐个都真積極爭取演出機會。彼陣演藝圈流傳「無上過藍寶石，欲紅是真困難。」

這份文化的記持，毋但是高雄人的驕傲，嘛流傳佇袂少歌廳秀的觀眾心中。 今仔日歌廳秀搬到咱《臺灣夜市，Taiwan Yes!》節目頂，欲予你重新熟似這段秀場文化。高雄流行音樂中心嘛欲佇7/30-7/31兩日，復刻70年代舞台《真愛秀藍寶石大歌廳》。